“Կանանց նկատմամբ ընտանեկան բռնության դեմ պայքարը Հայաստանում” ծրագրի նպատակն է նվազեցնել ընտանեկան բռնության զոհ դարձած կանանց և նրանց երեխաների թիվը Հայաստանում Ճգնաժամային Ապաստարանի համապարփակ ծառայությունների իրականացման միջոցով:
Հիմնական նպատակն է օժանդակել ընտանեկան բռնության զոհ դարձած կանանց և երեխաներին` ապահովելով աջակցություն բռնության կրկնվող դեպքերը կանխելու, անվտանգության, ինքնուրույնության և բռնությունից զերծ խաղաղ կյանքի հասնելու համար, որը իրականություն կդառնա Ճգնաժամային Ապաստարանի համապարփակ ծառայությունների իրականացման միջոցով: Ծրագիրը նաև նպատակ ունի լրագրողների հետ դասընթացների անցկացման ճանապարհով բարձրացնել հասարակության իրազեկությունը, փոխել կանանց նկատմամբ ընտանեկան բռնության խնդրի վերաբերյալ հասարակության կարծիքը և մոտեցումը, որպեսզի ընտանեկան բռնության թեման ճշտորեն լուսաբանվի ԶԼՄ-ների կողմից:
Վերոհիշյալ նպատակներին հասնելու համար Կանանց իրավունքների կենտրոնը ապահովում է Ազգային Թեժ Գիծ ծառայության գործունությունը և ընտանեկան բռնության զոհ դարձած կանաց ապահովում անվճար հոգեբանական և իրավաբանական խորհրդատվությամբ, ճգնաժամի հաղթահարման խորհրդատվությամբ, ուղղորդում նրանց դեպի հասարակություն, ինչպես նաև նրանց հնարավորություն տալիս մուտք գործել Կանանց ճգնաժամային կենտրոն, օգտվել Ճգնաժամային Ապաստարանի համապարփակ ծառայություններից: Այս ծրագիրը ընտանեկան բռնության զոհ դարձած կանանց և նրանց երեխաներին տրամադրում է նաև անվճար օթևան, սնունդ և հագուստ` համապարփակ ծառայությունների միջոցով (պատշաճ խնամք, անվտանգություն, ապահովում աշխատանքով, առողջական խնամք, անհատական հոգեբանական և իրավաբանական խորհրդատվություն, ինչպես նաև երեխաների համար մանկապերտեզ):
Կանանց առողջ ապրելակերպի ակումբի հանդիպումները կազմակերպվում են ամիսը մեկ անգամ 2 ժամ տևողությամբ: Հանդիպման ընթացքում կանայք ստանում են հոգեբանական աջակցություն: Ընտանեկան բռնությունների զոհ դարձած կանաց համար կազմակերպվում են նաև հանդիպումներ պրոֆեսիոնալ բժիշկների հետ:
Երեխաների պարի ու թատրոնի խումբը Կանանց իրավունքերի կենտրոնի մեկ այլ ձեռքբերումն է, որով կարելի է հպարտանալ: Այստեղ հայկական երգ ու պար է դասավանդվում ընտանեկան բռնության զոհ դարձած կանանց երեխաներին և “սովորական ընտանիքների” երեխաներին: Երեխաները մեծ ոգևորությամբ են հաճախում մասնագետների հետ կազմակերպվող երկօրյա հանդիպումներին, իսկ ծնողներն ավելի անհոգ են զգում իրենց:
Ընտանեկան բռնության հիմնախնդրին նվիրված երկու դասընթաց կազմակերպվել է նաև հեռուստատեսության, ռադիոյի և թերթերի լրագրողների համար` նրանց իրազեկությունը բարձրացնելու և տվյալ խնդիրը ճիշտ ներկայացնելու ու լուսաբանելու նպատակով:
Կանաց իրավունքների կենտրոնի բոլոր ծառայությունները այն հիմքն են, որի շնորհիվ հնարավոր է դառնում պարզել ընտանեկան բռնության մասշտաբները, ձևերը, աշխարհագրությունը, պատճառներն ու հետևանքները, որը կօժանդակի խնդրի հետագա լուսաբանմանը:
Ծրագիրը իրականացվում է Երևանում Ամերիկայի դեսպանատան Հասարակական կապերի բաժնի ֆինանսական աջակցությամբ:
|
