Կանանց վերարտադրողական առողջություն և իրավունքներ

Այս խնդրի իրագործմանը հասնելու համար ԿԻԿ-ն աշխատում է հետևյալ ուղղություններով 

Իրազեկության բարձրացում
վերարտադրղական և սեռական առողջության և իրավունքների վերաբերյալ

Կանանց իրավունքների կենտրոնը ջանքեր չի խնայում հղիության դեղորայքային ընդհատման մեթոդի առավելությունների վերաբերյալ տեղեկատվություն տարածելու համար: Այս նոր մեթոդը կիրառելի է դարձել նաև Հայաստանում Gynuity Health ծրագրի շնորհիվ:

Մեթոդի վերաբերյալ իրազեկվածության բարձրացում է իրականացվում ոչ միայն հանրապետության մայրաքաղաքում, այլ նաև տարբեր մարզերում: Զգալի նշանակություն է տրվել հղիության դեղորայքային ընդհատման ապահով մեթոդի և դեղորայքի օգտագործման խորհրդատվության վերաբերյալ կանանց տրամադրված  տեղեկատվությանը: Հայաստանում   (ավելին) 

Հղիության դեղորայքային ընդհատման վերաբերյալ վերապատրաստման դասընթացներ 

Հայաստանում հղիության ընդհատման դեղորայքային  մեթոդի վերաբերյալ տեղեկատվություն տրամադրելու լավագույն միջոցը Երևան քաղաքի և ՀՀ մարզերի մանկաբարձ-գինեկոլոգների հետ վերապատրաստման դասընթացներ անցկացնելն է: Ուստի կենտրոնն աջակցում է առողջապահության ոլորտի մասնագետներին` նմանատիպ դասընթացներ անցկացնելով:

Հղիության դեղորայքային ընդհատման վերաբերյալ կլինիկական ուղեցույց 

2010թ.-ի հունիսի 15-ին կայացած որոշման հիման վրա ՀՀ առողջապահության նախարարությունը հաստատել է հղիության ընդհատման դեղորայքային մեթոդի  վերաբերյալ կլինիկական ուղեցույցի մշակումը և տարածումը: