|
Կանանց առողջ ապրելակերպի ակումբ` առողջ ապրելաձև ընտանեկան բռնության ենթարկված կանանց համար (09.03.2009)
|
Սկսած 2008 թվականի նոյեմբեր ամսից Կանանց իրավունքների կենտրոնը կազմակերպել է Կանանց առողջ ապրելակերպի ակումբի հանդիպումներ, որպես Կանանց աջակցման խմբի գործունեության ընդլայնում, ընտանեկան բռնության ենթարկված կանանց վարելու առողջ կենսակերպ: Հանդիպումները նվիրված են առողջության, մարմնի խնամքին, վերարտադրողական առողջությանը, ինչպես նաև ներառում են տարբեր մշակութային միջոցառումներին մասնակցություն:
Առաջին հանդիպմանը կազմակերպչական միջոցառումների համար պատասխանատու անձը և նրա օգնականը կամավորներ էին: Սուրճի և թեյի սեղանի շուրջ կանայք խոսեցին այն թեմաների շուրջ, որոնց վերաբերյալ նրանք կցանկանային քննարկումներ անցկացնել, ինչպես նաև այն իրադարձությունների մասին, որոնք պետք է իրականացվեն առողջ ապրելակերպի աջակցման և ապահովման համար:
 Կանանց առողջ ապրելակերպի ակումբի հանդիպումներից մեկը նվիրված էր վերարտադրողական առողջության հարցերին և այն վարում էր Ընտանիքի պլանավորման և սեռական առողջության կենտրոնի գինեկոլոգ Աստղիկ Զաքարյանը: Կանայք մասնագիտական հարցեր էին ուղղում վերարտադրողական առողջության պաշտպանության տարբեր մեթոդների, օրգանիզմի վատ աշխատանքի նախանշանների, ինչպես նաև հիվանդության կանխարգելման մեթոդների և հղիության դեղորայքային ընդհատման մասին:
Կանանց առողջ ապրելակերպի ակումբի մասնակիցները ցանկություն հայտնեցին մասնակցելու որևիցե մշակութային միջոցառման: Կազմակերպչական միջոցառումների համար պատասխանատու անձը և նրա օգնականը կազմակերպեցին ակումբի անդամների հերթական հանդիպումը և մասնակցեցին հռչակավոր հայ բանաստեղծ Պարույր Սևակի ծննդյան 85 ամյակին նվիրված միջոցառմանը: Միջոցառումը շատ տպավորիչ էր և կանայց այն շատ դուր եկավ:
 2009 թվականի մարտին Կանանց առողջ ապրելակերպի ակումբի հանդիպումը նվիրված էր Կանանց միջազգային օրվան: Կանանց առողջ ապրելակերպի ակումբի անդամները ցանկացան տոնել այս օրը միասին և շնորհավորել միմյանց: Հանդիպումը կրում էր ոչ պաշտոնական բնույթ: Կանայք երեկույթը վայելելու, դաշնամուր նվագելու, երգելու և պարելու հնարավորություն ունեին: Հանդիպումը ավարտվեց յուրաքնչյուր կնոջ բարձր տրամադրությամբ և դրական վերաբերմունքով և նրանք բաժանվեցին ապագա հանդիպումների հեռանկարով:
<< հետ
|
|
|
 |
|
|
|
|
