2009 թվականի հուլիսի 10-ին ծննդատների և բժշկական կենտրոնների բժիշկների համար «Հայաստանում հղիության դեղորայքային ընդհատման ծառայությունների ընդլայնման իրականացումը և ընդունելիությունը» ծրագրի շրջանակներում «Կոնգրես» հյուրանոցում կազմակերպվեց ուսուցում հղիության դեղորայքային ընդհատման վերաբերյալ:

Ուսուցումը կազմակերպվել էր Gynuity Health Projects-ի և Կանանց իրավունքների կենտրոնի հետ համատեղ: Թրեյնինգին մասնակցեցին Երևանից և մոտակա շրջաններից տարբեր բժշկական հաստատությունների և ծննդատների երեսուն բժիշկներ:

Հղիության դեղորայքային ընդհատման վերաբերյալ համապատասխան փաստաթղթերի մի ամբողջ փաթեթ, ներառյալ հետազոտությունների ցանկը, որ իրականացվել էր Gynuity Health Projects-ի կողմից, կազմակերպության մասին տեղեկատվական բուքլետը, գիտահետազոտական ուսումնասիրությունների և ծրագրերի համառոտ նկարագրությունը, «Հղիության դեղորայքային ընդհատման ձեռնարկը» և այլ տեղեկատվական նյութեր բաժանվեցին մասնակիցներին:

Ուսուցանողներ` Դր. Թամար Ծերեթելին, ավագ խորհրդական-գործընկեր (Gynuity Health Projects - Վրաստան) և Դր. Գեորգի Ծերծվաձեն ողջունեցին մասնակիցներին և ներկայացրեցին ուսուցման նպատակը և օրակարգը: Դր. Թամար Ծերեթելին համառոտ ներկայացրեց Gynuity Health Projects-ի նպատակներն ու ծրագրերը, ինչպես նաև միֆեպրիստոն և միզոպրոստոլ դեղորայքների կիրառման մեթոդները: Թրեյնինգի ընթացքում մասնակիցները ներկայացրեցին իրենց անհանգստությունները և վերաբերմունքը դեղատներից և այլ վայրերից դեղորայքի վաճառքի վերաբերյալ:

Այնուհետև, Դր. Գեորգի Ծերծվաձեն ներկայացրեց հղիության վաղ շրջանի նորմալ և ոչ նորմալ ախտորոշումը, դրա կլինիկական, բիոլոգիական և ախտորոշման ուլտրա-ձայնային մեթոդները: Նա նաև ներկայացրեց կողմնակի բարդությունները, բացատրություններ տվեց հակաբեղմնավորիչների և հղիության ընդհատումից հետո հետագա խնամքի վերաբերյալ:

Ուսուցումը ավելի ինտերակտիվ դարձավ և մասնակիցները սկսեցին ակտիվ քննարկումը ուսումնական օրինակների ուսումնասիրման և հետագա քննարկումների ժամանակ: Մասնակիցները կարդում էին հարցերը և տալիս էին իրենց լուծումները` առաջարկելով յուրաքանչյուր դեպքերի համար լուծումներ:

Բոլոր մասնակիցներին տրվեցին նաև գնահատման թերթիկներ` հղիության դեղորայքային ընդհատման թրեյնինգը գնահատելու և իրենց մեկնաբանությունները կատարելու համար:

Ուսուցման վերջում մասնակիցները ստացան վկայականներ և շնորհակալություն հայտնեցին կազմակերպիչներին և ուսուցանողներին հետաքրքիր և օգտակար ուսուցման համար: Դր. Ծերեթելին արտահայտեց իր համոզմունքը, որ ուսուցումը կնպաստի մասնակիցների հղիության դեղորայքային ընդհատման մեթոդի և մեխանիզմների վերաբերյալ ձեռք բերել խորը գիտելիք` միաժամանակ մեծ ներդրում կատարելով Հայաստանում վերարտադրողական առողջության իրավիճակի բարելավման ուղղությամբ: