|
2009 թվականի միջազգային Բազարը (18.09.2009)
|
2009 թվականի սեպտեմբերի 9-ին Մարիոտ Արմենիա հյուրանոցում տեղի ունեցավ Երևան կանանց միջազգային ասոցիացիայի կողմից կազմակերպված ամենամյա Բազարը:
Տարբեր ազգերի ներկայացուցիչները ներկայացնում էին իրենց երկրների արվեստի գործերի, ձեռքի աշխատանքի նմուշներ, գրքեր և բրոշյուրներ, իրենց երկրի մշակույթը, տնտեսությունը և խոհանոցը: Ներկա էին նաև Հայաստանում տարբեր դեսպանատների ներկայացուցիչներ: Միջոցառման հյուրերը կարող էին գնել արվեստի, ձեռքի աշխատանքի հետաքրքիր նմուշներ, գրքեր, զարդեր: Միջոցառումից հավաքված գումարը կուղղվի կարիքի մեջ գտնվող կանանց և նրանց երեխաներին աջակցելուն և նրանց սոցիալական վիճակը բարելավելուն:
 Կանանց իրավունքների կենտրոնը նույնպես մասնակցում էր Բազարին: ԿԻԿ-ի գործունեություններից մեկն էլ ներառում է Երեխաների ազգագրական համույթի կազմավորումը, որը մասնավորապես բաղկացած է ԿԻԿ-ի շահառուների երեխաներից: Համույթի կազմավորումը հնարավոր դարձավ շնորհիվ Հայաստանում ԱՄՆ դեսպանատան ֆինանսական օգնության: Միջոցառման ժամանակ տասնչորս տղաներ և աղջիկներ ազգային տարազներով ներկայացրեցին հայկական ազգային ժողովրդական պարեր: Նրանք շատ գեղեցիկ էին և բորորը տպավորված էին նրանց տեսքով և բավականություն ստացան նրանց պարից:
Երևան կանանց միջազգային ասոցիացիայի ֆինանսական աջակցության շնորհիվ ԿԻԿ-ը կարողացավ հագուստ և կոշիկներ պատվիրել ազգագրական համույթի համար: Մենք հայտնում ենք մեր խորին շնորհակալությունը նրանց գովասանքի արժանի օգնության համար, որն ուղղված է բարելավելու երեխաների ինքնագնահատականը և զարգացնելու դրական աշխարհայացք:
Միջոցառումը լուսաբանվեց նաև զանգվածային լրատվամիջոցների կողմից:
<< հետ
|
|
|
 |
|
|
|
|
