“Ակտիվության 16 Օր Ընդդեմ Գենդերային Բռնության“ քարոզարշավի շրջանակներում Կանանց իրավունքների կենտրոնը 2009 թվականի դեկտեմբերի 10-ին` Մարդու իրավունքների միջազգային օրը, Երևանի Թումանյանի անվ. պետական տիկնիկային թատրոնում կազմակերպել էր քարոզարշավի փակման միջոցառումը:

“Սպիտակ Ժապավեն” քարոզարշավը, որը սկսվել էր Նոյեմբերի 25-ին, շարունակվեց նաև դեկտեմբերի 10-ին: Ժապավենները բաժանվեցին միջոցառման մասնակիցներին՝ միաժամանակ բացատրելով ժապավենների իմաստը:

Միջոցառման սկզբում ելույթ ունեցան Կանանց իրավունքների կենտրոնի կողմից ստեղծած Մանկական ազգագրական համույթի սաները: Յուրաքանչյուր համերգից հետո երեխաները բեմի վրա ելույթ ունենալու ավելի մեծ փորձ են ձեռք բերում: Նրանք ավելի համարձակ էին ելույթ ունենում և ավելի լավ էին կատարում իրենց երգերն ու պարերը:

Մանկական ազգագրական համույթի համերգից հետո հանդիսատեսի ուշադրությանը ներկայացվեց “Փոփոխությունների թատրոնի” մի խումբ դերասանների բեմադրությունը՝ հիմնված ընտանեկան բռնության իրական պատմության վրա: Դա ինտերակտիվ թատրոն էր, երբ ներկայացումից հետո հանդիսատեսը հնարավորություն ուներ արտահայտելու իր սեփական տեսակետը ներկայացման հերոսների գործողությունների կամ վարքագծի վերաբերյալ: Հանդիսատեսը նույնպես կարող էր մասնակցել ներկայացման վճռական, տեսարաններում և փորձել փոխել պատմության վերջաբանը, առաջարկելով իրենց մտահղացումները և տարբերակները:
Հանդիսատեսը ակտիվ էր և առաջարկեց մի քանի մտահղացումներ և առաջարկներ` փոխելու իրավիճակն ու հերոսին, որն ամենաընկճվածն էր ներկայացման մեջ:

Նմանատիպ ինտերակտիվ քննարկումները Կանանց իրավունքների կենտրոնի կողմից համարվում է շատ կարևոր և մեծ հնարավուրություն է տալիս բարձրացնելու ընտանեկան բռնության հարցը և մարդկանց թույլ տալու այն բարձրաձայն քննարկելու, հասկանալու այդ չարիքի ազդեցությունը զոհի, նրանց ընտանեկան կյանքի, երեխաների վարքագծի վրա, ինչպես նաև ընդհանուր առմամբ ձևավորելու առողջ հասարակարգ: