2010 թ. հունիսի 4- ից 5-ը, Կանանց իրավունքների կենտրոնը մասնակցեց WIDE <<Միգրացիան գլոբալիզացման իրավիճակում. Կանանց իրավունքները վտանգված են>> ամենամյա կոնֆերանսին, որը կազմակերպվել էր Կարատ կոալիցիայի և AUR –ի (Կարատ կոալիցիայի անդամ կազմակերպություն) կողմից Ռումինիայի Բուխարեստ քաղաքում: WIDE-ի ամենամյա կոնֆերանսը հնարավորություն է ընձեռում Եվրոպայի, ԱՊՀ երկրների, Հարավային Ամերիկայի, Ասիայի, Աֆրիկայի, ինչպես նաև այլ երկրների կին փախստականներին համախմբվել միասին և ծանոթանալ միմյանց հետ: Կոնֆերանսը ինտերակտիվ էր, բազմամշակութային և բավականին բովանդակալից, ինչը հնարավորություն ընձեռեց ակտիվորեն քննարկել և ուսումնասիրել հետևյալ հիմնական թեմաները` - Կապի պակասը միգրացիայի եվրոպական քաղաքականության և առևտրի ու զարգացման քաղաքականությունների միջև, ինչպես նաև դրա բացասական ազդեցությունը կին փախստականների տնտեսական, մշակութային, հասարակակական և քաղաքական իրավունքների պաշտպանության վրա: - կին փախստականների տնտեսական, մշակութային, հասարակակական և քաղաքական իրավունքների պաշտպանությունը քաղաքական ռազմավարությունների և համատեղ գործունեությունների քննարկման միջոցով, ինչպես նաև այդ ուղղությամբ քարոզչության հստակ քայլերի և իրավունքների քաղաքականության վրա հիմնված տարբերակների հստակեցումը և հաստատումը:
<< հետ
|
