|
<<Ընտանեկան բռնություն>> առարկան ներառվել է ՀՀ ոստիկանության ակադեմիայի ուսումնական ծրագրում (05.08.2010)
|
Սույն թվականի օգոստոսի 5-ին ԿԻԿ-ը առաջարկություն է ներկայացրել ՀՀ ոստիկանության ակադեմիայի և ուսումնական կենտրոնի ուսումնական ծրագրում <<Ընտանեկան բռնություն>> առարկան ներառելու համար, որի վերաբերյալ ստացել է ՀՀ ոստիկանության համաձայնությունը:
Այդ նպատակով ԿԻԿ-ին հնարավորություն է ընձեռվել կենտրոնի ուժերով ՀՀ ոստիկանության ակադեմիայի և ՀՀ ոստիկանության համապատասխան մասնագետների համար կազմակերպել և անցկացնել ուսուցում ` հիմք ընդունելով կենտրոնի կողմից մշակած և հրատարակած <<Ընտանեկան բռնություն>> ձեռնարկը, որտեղ ներկայացված են ընտանեկան բռնության ընդհանուր բնութագիրը, բնորոշ գծերը, առանձնահատկությունները, տեսակները, պատճառները և հետևանքները, դրա կանխարգելման մեթոդները, ինչպես նաև պարզաբանվում է ոստիկանության դերը և միջամտությունը նմանատիպ իրավիճակներում:
Խիստ կարևորելով ոստիկանների դերը ընտանեկան բռնության հիմնախնդրի բացահայտման և դրա դեմ ակտիվ պայքարի ու կանխման հարցում` ԿԻԿ-ն իր գործունեության ընթացքում մշտապես համագործակցում է ՀՀ ոստիկանության հետ ինչպես Երևանում, այնպես էլ մյուս մարզերում:
<< հետ
|
|
|
 |
|
|
|
|
