2017թ. ապրիլի 18-ին, Բեսթ Վեսթեռն Կոնգրես հյուրանոցում տեղի ունեցավ “Ծնողների դիրքորոշումները դեռահասների սեռական զարգացման վերաբերյալ” հետազոտության արդյունքների ներկայացմանը նվիրված հանդիպում, որը կազմակերպել էր Կանանց ռեսուրսային կենտրոն հասարակական կազմակերպությունը: Հետազոտության շրջանակներում ուսումնասիրվել էր ծնողների դիրքորոշումներն իրենց դեռահաս երեխաների սեռական զարգացման, գենդերային դերերի յուրացման և, առհասարակ, դաստիարակության մեթոդների ընտրության մասին: Կանանց ռեսուրսային կենտրոնի կողմից իրականացվող ծրագրի շրջանակներում նաև ստեղծվել է www.serakanutyun.org առաջին հայալեզու վեբ կայքը դեռահասների սեռականության մասին: