Կլինիկական ուղեցույցն ընդհանուր տեղակատվություն է պարունակում  հղիներին հղիության դեղորայքային ընդհատման գործընթացին նախապատրաստելու, հակաբեղմնավորիչների օգտագործման վերաբերյալ խորհրդատվության մեթոդների, բժիշկների կողմից այս կամ այն մեթոդին նախապատվություն տալու և այլնի մասին: Ուղեցույցում նաև ներկայացված են հղիության դեղորայքային ընդհատումը  կազմակերպելու և  իրականացնելու մանրամասները, ներառյալ` ռեժիմները, դեղաչափերը, տեսակները, հղիությունը դեղորայքային մեթոդով ընդհատելու համար սահմանված ժամկետները, հիվանդանոց այցելելու ժամանակացույցը, ինչպես նաև ընթացքում կողմնակի և անցանկալի երևույթների դեպքում վերահսկողության ընթացքը:Հայաստանում հղիության արհեստական ընդհատման արդի իրավիճակի նկարագրությունը, ինչպես նաև դրա կիրառման մեթեդները ևս սույն ուղեցույցի մաս են կազմում:

 ԿԻԿ-ը մշակել է ուսումնական ձեռնարկ, որտեղ ներկայացված է ընտանեկան բռնության ընդհանուր բնութագիրը, բնորոշ գծերը, առանձնահատկությունները, տեսակները, պատճառները և հետևանքները, կանխարգելման մեթոդները, ինչպես նաև պարզաբանվում է ոստիկանության դերը և միջամտությունը նմանատիպ իրավիճակներում:

Բուկլետում ամփոփ տեսքով ներկայացված է  ընտանեկան բռնության երևույթի, ինչպես նաև այդ ուղղությամբ ԿԻԿ-ի ծավալած գործունեության մասին տեղեկատվություն: 

Լեզու` հայերեն

Պարբերաբար տպագրվում է 

Սեռական և գենդերային բռնությունը տարածված երևույթ է հակամարտությունների ժամանակ: ՄԱԿ»ի Փախստականների հարցերով գերագույն հանձնակատարի հայաստանյան գրասենյակը պայմանագիր է կնքել Հայաստանի Ամերիկյան Համալսարանի Թուրփանջյան հասարակական հետազոտությունների կենտրոնի հետ, որպեսզի վերջինս իրականացնի հարցում` կին փախստականների և ապաստան հայցողների նկատմամբ սեռական և գենդերային բռնությունը բացահայտելու, ինչպես նաև տեղահանության ժամանակ և հետո` Հայաստանում, այդ բռնության ձևերն ու տարածվածության աստիճանը պարզելու համար:

Զեկույցը ձևավորվել և տպագրվել է Կանանց իրավունքների կենտրոնի կողմից:

2008թ., 50 էջ (հայերեն), 50 էջ (անգլերեն)

Բրոշյուր` հղիության դեղորայքային ընդհատման, դրա առավելությունների և հնարավոր կողմնակի թերությունների հակիրճ նկարագրում: Բրոշյուրը տպագրվել է Gynuity Health Projects-ի աջակցությամբ` "Հղիության դեղորայքային ընդհատման հնարավորությունների ընդլայնումը Հայաստանում" ծրագրի շրջանակներում:

2008 (հայերեն) 

Սույն գրքույկում ներկայացված են Հայաստանի բոլոր մարզերից հավաքված իրական պատմություններ, իսկ պատմողները կանայք են: Գրառված փաստերի հիման վրա կարելի է որոշակի պատկերացում կազմել Հայաստանում բնակվող կնոջ վիճակի մասին, որը, մեղմ ասած, մտորումների տեղիք են տալիս:

2007, 74 էջ (հայերեն)

Գիրքը պատմում է Կանանց գլոբալ հիմնադրամի նախաձեռնած Հայաստանի կանանց ոչ-կառավարական կազմակերպությունների համաժողովի մասին, որը տեղի է ունեցել Երևանում 2006թ. հունիսի 2-ին: Այդ հանդիպման ընթացքում քննարկվել են Հայաստանի կանանց և կանանց կազմակերպությունների հիմնախնդիրները, նրանց գործունեության առաջնահերթությունները, հաջողություններն ու դժվարությունները, ռազմավարություններն ու հետագա զարգացման հեռանկարները:

2007, 37 էջ (հայերեն, անգլերեն, ռուսերեն)

Հայաստանի ամբողջ տարածքում իրականացված այս հարցման նպատակն է հասկանալ կանանց վերաբերմունքը կանանց հանդեպ ընտանեկան բռնության նկատմամբ, պարզել դրա շարժառիթները և լուծումների ըմբռնումը, որոշել Հայաստանում կանանց նկատմամբ ընտանեկան բռնության և ճնշման չափերը, ինչպես նաև բացահայտել ընտանիքում կանանց նկատմամբ գործադրվող ֆիզիկական բռնության վերջին միջադեպերը:

2007, 123 էջ (հայերեն, անգլերեն)

Գրքում ներկայացված է Կանանց իրավունքների կենտրոնի պատմությունը և գործունեությունը, նրա սկզբնավորման ժամանակներից մինչ օրս: Գրքում զետեղված են նաև ընտանեկան բռնությունից տուժած կանանց հաջողված պատմություններ:
Գիրքը նախատեսված է հասարակության լայն խավերի, մասնավորապես կանանց նկատմամբ ընտանեկան  բռնության ոլորտում աշխատող հասարակական կազմակերպությունների համար:

2005, 35 էջ (հայերեն), 29 էջ (անգլերեն)

Գրքում ներկայացված է  ՀՀ օրենսդրության գենդերային վերլուծությունը վերարտադրողական և սեռական առողջության և իրավունքների վերաբերյալ:

2005, 37 էջ (հայերեն), 31 էջ (անգլերեն)

Ֆիլմը ներկայացնում է Կանանց իրավունքների կենտրոնի պատմությունը և գործունեությունը, նրա սկզբնավորման ժամանակից մինչ օրս, որն արտացոլում է նաև Հայաստանում կանանց շարժման գործընթացը: