«Զրույցներ կանանց իրավունքների մասին» հաղորդման հյուրն էր «Լայթհաուս» բարեգործական հիմնադրամի «Մայրատուն» ծրագրի ղեկավար Լիանա Սարգսյանը։

«Զրույցներ կանանց իրավունքների մասին» հաղորդման հյուրն էր «Լայթհաուս» բարեգործական հիմնադրամի «Մայրատուն» ծրագրի ղեկավար Լիանա Սարգսյանը։

Mar 29, 2021 2326

«Արմենիան Լայթհաուս» բարեգործական հիմնադրամը իրականացնում է մի շարք սոցիալական ծրագրեր, օգնում բազմաթիվ ընտանիքների՝ ապահովելով նրանց կրթական, հոգեբանական և նյութական աջակցություն։ 2011 թ. բացվեց «Մայրատուն» ծրագիրը, որը հանդիսանում է ապաստան բռնության ենթարկված կանանց և նրանց երեխաների համար։ Ինչպես նշում է իր խոսքում Լ. Սարգսյանը, ծրագրի հիմնական նպատակն է, որ ոչ մի հայ երեխա չհայտնվի մանկատանը։

 

Կինը հայտնվելով ապաստարանում ստանում է համապատասխան հոգեբանական, իրավաբանական աջակցություն, սոցիալական, բժշկական օգնություն։ Այս ամենը իրականացվում է պետական և ոչ պետական մարմինների համագործակցությամբ։ Գործունեության արդեն 10 տարիների ընթացքում «Մայրատունը» ընդունել է 382 կին և 610 երեխա։

 

Բռնության վերապրողների համար ապաստարանը էական նշանակություն ունի, քանզի բռնության ենթարկված կանանց մեծ մասը հայտնվում է դրսում չունենալով աջակցության որևէ աղբյուր։ Հասարակությունը հաճախ է թիրախավորում այդ կանանց, ում համար ապաստարանը վերջին հույսն է։

Բռնությունը չարիք է, որը խլում է հազարավոր կյանքեր։ Տարիներ շարունակ ապրելով անբարենպաստ միջավայրում կինը շատ հաճախ հրաժարվում է դուրս գալ այդ վիճակից և սկսել նոր կյանք։ Այստեղ օրենքը անզոր է գտնվում, քանի որ կինն է որոշում իր կյանքը ինչպես դասավորել և ինչպես շարունակել ապրել։ Ապաստարանը հանդիսանում է ապահով բնակելի տարածք կնոջ համար, քանի որ բռնարարը սպառնում է ոչ միայն կնոջը, այլ նաև նրա հարազատներին, մինչդեռ ապաստարանը ապահովում է կնոջ անվտանգությունը։ Ապաստարանը հնարավորություն է տալիս կանանց ստանալու մասնագիտական հմտություններ, ինչը հետագայում կօգնի նրանց փնտրելու աշխատանք։

«Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ՀՀ օրենքը սահմանում է` ապաստարանում գտնվելու առավելագույն ժամանակահատվածը 12 ամիս է։ Ապաստարանում տեղավորելու վերաբերյալ որոշում են կայացնում ոստիկանությունը և աջակցության կենտրոնը՝ բռնության ենթարկված անձի դիմումի հիման վրա։  

Ապաստարանների առկայությունը անհրաժեշտություն է, որը շատ հաճախ լինում է բռնության ենթարկված անձի վերջին հույսը։

«Կին իրավապաշտպանները քայլեր են ձեռնարկում Հայաստանում գենդերային բռնության դեմ» (2020-2022 թթ․) ծրագիրն իրականացվում է Ընդդեմ կանանց նկատմամբ բռնության կոալիցիայի կողմից Եվրոպական միության ֆինանսավորմամբ։

 

Սույն հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում «Կանանց իրավունքների կենտրոն» ՀԿ-ն, և պարտադիր չէ, որ այն արտահայտի Եվրոպական միության տեսակետները:

 

FaLang translation system by Faboba
Մենք գտնվում ենք
Կապ
  • 26/31 Աբովյան փողոց,
  • Երեւան, Հայաստան
  • +374 10 547770
  • +374 10 58 7770
  • info@wrcorg.am
Աշխատանքային ժամեր
  • Mon-Fri 10:00 - 18:30
  • Կիրակի - Շաբաթ. Փակ
Կապվեք
Բաժանորդագրվել